شهد الرئيس عبد الفتاح السيسي، اليوم الثلاثاء، فعاليات الندوة التثقيفية الـ 33 للقوات المسلحة بمناسبة الاحتفال بيوم الشهيد والمحارب القديم، حيث أجرى مداخلة تعليقًا على عرض فيلم تسجيلي بعنوان “سيرة الشهداء”، والذي يستعرض ملامح حياة شهداء الوطن.
وقال السيسي: “أنا عايز أقول إن كلنا متأثرين بالموقف ومتأثرين بكلام كل أسرة شهيد، وآلامهم أحنا مش هنقدر مهما عملنا أننا نخفف عنهم، لكن أنا عايز أقولكم حاجة واحدة أنا أتصور أن سيرة الشهيد عايزة تقولنا حاجة واحدة بس، وتلاقوني بكررها كتير، خلوا بالكو من بلدكم”.
وأضاف: “الناس دي راحت عند ربنا سبحانه وتعالي وقدمت دمها عشان البلد دي تعيش بخير، أصحابها وأهلها اللي هما أحنا اللي موجودين كبروها وعلوها وبيحافظوا عليها وميخربوهاش، وإلا يبقي كل التضحية اللي اتقدمت من سبع سنين أو ثمانية سنين دلوقتي مكانتش في مجالها”.
وتابع: “لما طلبتوا تغيير الواقع اللي كان موجود، إحنا قولنا فوضونا في مكافحة الإرهاب، والناس مكانتش مقدرة للإجراء اللي اتعمل في 2013 هيكون ثمنه كبير أوي على شعب مصر”، واستكمل: “إن الجيش شعب مصر والشرطة شعب مصر… وكل إنسان بيضحي من أجلها من شعب مصر”.
واختتم قائلًا: “أنا أتصور أن العنوان والرسالة اللي أنا ممكن كإنسان مصري أتلقاها من سيرة الشهيد والمصاب كمان أنو التمن دة اللي هو دم وروح قدم عشان الدولة دي تبقي دولة، ومحدش أبدًا يتصور أن ممكن فيه سبب يخليه يضيع الدولة.. وشكرًا جزيلًا”.
كانت فعاليات الندوة التثقيفية الـ٣٣ للقوات المسلحة بمناسبة الاحتفال بيوم الشهيد والمحارب القديم بدأت بحضور الرئيس عبدالفتاح السيسي اليوم الثلاثاء.
وحضر الندوة – التي جاءت بعنوان “لولاهم ما كنا هنا” – رئيس مجلس الوزراء الدكتور مصطفى مدبولي والفريق أول محمد زكى القائد العام للقوات المسلحة وزير الدفاع والإنتاج الحربى وعدد من الوزراء وكبار رجال الدولة.
