الرئيس السيسي: “أنا ضد الفوضى والإهمال وعدم الانضباط.. ومش هسيب لإبني جنيه”

أكد الرئيس عبد الفتاح السيسي أنه ضد الفوضى والإهمال واللا دولة وأنه أبدا لم يكن ضد أحد وأن كل الناس في مصر هم أهله ، مشددا في الوقت نفسه على ضرورة أن يلتزم الناس بالقانون.

وقال السيسي – خلال حضوره افتتاح مشروع الصوب الزراعية بقاعدة محمد نجيب العسكرية اليوم السبت –  : “يا ريت الناس تفتكر أنى مش ضد حد.. لا والله.. أنا ضد الفوضى والإهمال واللا دولة، وكل الناس في مصر أهلى وإخواتي، إنما الناس بتعمل اللى هى عايزاه ود لا يليق بمصر، ومش هنسيب حد ياخد حاجة مش بتاعته”.

وأضاف السيسى “امال احنا قاعدين نعمل إيه، وأرجو موضوع كنج مريوط ده يخلص، أنا شوفت في الطيارة وأنا جاي مزارع سمكية، ودي مزارع حد يقولي حجم المزارع قد إيه والعائد منها قد أيه، وبقول على كل المزارع السمكية.. لما كامل الوزير قال نوسع محور 26 يوليو قولتله في محور تانى اسمه أم زغاوى، قولته نعمل المحور ده ونعمل محور تاني ينهى التعدي على بحيرة كنج مريوط، ومعناه أن موضوع تقنين أراضي اللي اتاخدت من كنج مريوط يخلص”.

وأردف قائلا “مش هنعمل مزارع سمك في البحيرات، ولازم المياه تكون نظيفة، هرجع بحيرات مصر تاني زي ما كانت طيب، والناس اللي موجودة هناك قولت يتعرض عليا الموضوع، ولا يقنن الوضع إلا بعد العرض عليا، ثم يتعمل المحور، ويقطع الحد الخلفي للتعدي الموجود على البحيرة”.

وتابع الرئيس قائلا : ” والله العظيم أنا مش ها سيب لابني جنيه ولا لنفسي، وده معناه أنا عارف كويس أوى أن اللي بياخد حاجة من الاستيلاء وغيره حرام، ولابد من إيقاف الهدر، وعدم الانضباط”.