الرئيس السيسي: نحتاج إلى 18 تريليون جنيه بشكل مستقر في موازنة الدولة لحل مشاكلنا

قال الرئيس عبد الفتاح السيسي: “لما كنا بنتكلم عن بلدنا من قبل 2011 الناس كانت بتقول هي البلد دي مالها وظروفها كده ليه، إنما أنا كنت بقول هي موازنتها كام؟.وأضاف السيسي خلال كلمته بجلسة مبادرة حياة كريمة، بالمؤتمر الوطني السابع للشباب: “يا ترى نمونا الاقتصادي كان متوافق مع نمونا السكاني ولا لأ؟ دولة فيها 100 مليون يا مصريين، وبالفلوس اللي معانا هنعمل في حدود المتاح”.
وعقب السيسي: “إنت محتاج 18 تريليون جنيه بشكل مستقر في موازنة الدولة عشان نحل المشاكل اللي بنعاني منها”.
وتابع : “دولة زي مصر عايزة موازنة تريليون دولار عشان إحنا ظروفنا صعبة”، مشيرا  إلى إن التشييد العقاري الذي تقوم به الدولة حاليًا لا يتم تمويله من أموال الموازنة.
وأردف: ” ده تطوير استراتيجي للعقار في مصر عشان أجيب منه فلوس مش عشان أصرف عليه، مخدناش من الدولة فلوس للمواضيع دي، إحنا بناخدها من التشغيل، بنعمل مشروع الناس تدفع ونبنيلها”.
انطلقت مساء اليوم  جلسة «حياة كريمة»، ضمن فعاليات المؤتمر الوطني السابع للشباب، بحضور الرئيس عبد الفتاح السيسي.
وبدأت مساء أمس الثلاثاء، فعاليات المؤتمر الوطني السابع للشباب، بالعاصمة الإدارية الجديدة، بحضور الرئيس عبدالفتاح السيسي.
ويعقد المؤتمر بمشاركة نحو 1500 شاب من مختلف محافظات الجمهورية، فيما شهد اليوم الأربعاء الاحتفال بتخريج الدفعة الأولى من البرنامج الرئاسي لتأهيل الشباب الأفريقي، والتي تضم مشاركين من ‘29 دولة أفريقية.
وستشهد الفعاليات عقد جلسة «اسأل الرئيس»، التي يجيب خلالها الرئيس عن تساؤلات الشباب التي تلقاها من خلال الموقع الإلكترونى وصفحات السوشيال ميديا للمؤتمر